Республиканың төп концерт залында Дмитрий Крюков етәкселегендәге оркестр Петр Чайковский әҫәрҙәренән төҙөлгән программа менән сығыш яһаны. Скрипка концертында Корея республикаһынан Чайковский исемендәге 17-се Халыҡ-ара конкурс еңеүсеһе Ге Хи Ким сығыш яһаны.
Ге Хи Ким иң сағыу скрипкасыларҙың береһе. Ул үҙенең 2023 йылда Чайковский исемендәге халыҡ-ара конкурста еңеүен иң мөһим ҡаҙанышы тип иҫәпләй, ә рус композиторҙарының музыкаһын донъя мәҙәниәте хазинаһы тип таный һәм һәр ваҡыт ҙур тулҡынланыу менән башҡара.
