Һөнәри байрам алдынан-ҡыуаныслы ваҡиға. Ҡалтасы районы Күтәрем ауылы мәктәбе уҡытыусыһына шифаханала һаулығын нығытыу өсөн сертификат тапшырылған.
Иҫегеҙгә төшөрәбеҙ, республика башлығы Радий Хәбиров уҡытыусыларҙы шифахана-курорт дауалауы менән тәьмин итеү инициативаһы менән сығыш яһағайны. Сертификатҡа ун йыл стажы булған педагогтар дәғүә итә ала. Ҡалтасы районында был мөмкинлек менән файҙаланыуға 15 уҡытыусынан ғариза ҡабул ителгән. Улар араһынан Күтәрем мәктәбендә йәмғиәтте өйрәнеү, тарих фәндәрен уҡытҡан Лидия Шадрина һайлап алынған. 26 йыл мәктәптә эшләгән Лидия Николаевна Рәсәйҙең мәғариф алдынғыһы.
