Активистар, ирекмәндәр, йәмәғәт ойошмалары вәкилдәре, махсус хәрби операцияла ҡатнашыусыларҙың ғаиләләре «СВО Иглино» форумында ҡатнашты. Сараның төп бурысы-яугирҙарға һәм уларҙың яҡындарына ярҙам итеүҙе берләштереү. Форум тематик майҙансыҡтарға бүленде: район биләмәһендә коммерция булмаған ойошмаларҙы үҫтереү, эшҡыуарлыҡты һәм ирекмәндәр хәрәкәттәренә ярҙам итеү. «Мин-патриот» тип аталған майҙансыҡта уҡыусылар «РЭД» ҡушаматлы яугир менән осрашты. Үҫмерҙәр геройҙың хәрби юлы тураһында «Үҙебеҙҙекеләрҙе ташламайбыҙ» циклынан фильм ҡараны, яугир менән аралашты.
