Башҡорт халҡының милли музыка ҡоралы уларға рухи көс бирә, яу ҡырында ла илһамландыра. Сихри моң-ул тыуған ергә, ата-бабалар тарихына тоташтырыусы бер сылбыр. Ҡулына ҡорал алған һалдаттар араһында ла ҡурайсылар бар. Шуларҙың береһе «Сәләх» ҡушаматлы яугир. Ул, ара-тирә тынлыҡ урынлашҡан мәлдәрҙә, ҡурайҙа уйнап, иптәштәренең күңелен күтәрә, тыуған яҡҡа һағышты баҫа. Ҡурай моңо яугирҙарға көс һәм дәрт өҫтәй, рухын нығыта.
