Рәсәй-Белоруссия сәнәғәт кооперацияһы һөҙөмтәһе. Башҡортостан башлығы Радий Хәбиров Өфөнөң транспорт инфраструктураһы идаралығына яңы троллейбус асҡыстарын тапшырҙы. Экологик яҡтан иң таҙа машиналар ҡала электр транспортын үҫтереү программаһы буйынса һатып алынған.
«Горожанин» троллейбусының төп үҙенсәлектәренең береһе-өҫтәмә аккумулятор ярҙамында 30 километрға тиклем автономлы хәрәкәт итеү мөмкинлеге. Радий Хәбиров водителдәргә мөрәжәғәт итеп, уларҙың ҡатмарлы эшенең әһәмиәтен билдәләне. Ул яңы троллейбустар персоналға ла, пассажирҙарға ла уңайлылыҡ килтерер тигән ышаныс белдерҙе. Төбәк башлығы артабан яңы транспорт һатып алыу өсөн белорус партнерҙары менән хеҙмәттәшлекте тәрәнәйтеү пландарын раҫланы.
Яңы электр транспорты Өфөнөң көньяҡ һәм төньяҡ райондарындағы һигеҙ маршрут буйынса йөрөйәсәк. Был заманса машиналар Өфө трамвай-троллейбус заводы һәм Минск автозаводы көстәрен берләштереп эшләнгән. Биш йыл эсендә завод 700-ҙән ашыу троллейбус сығарған, уларҙың күбеһе хәҙер Рәсәйҙең башҡа төбәктәренең юлдары буйлап йөрөй. Өфө лә автономлы йөрөшлө 34 заманса троллейбус иҫәпләнә. Бында климат-контроль системаһы һәм мөмкинлеге сикләнгән кешеләр өсөн ҡорамалдар ҡаралған.
