Мотоуҡсыларҙың рухы көслө тип белдерҙе “Восход” ҡушаматлы яугир. Ул бер йылдан ашыу полк командиры. “Восход” билдәләүенсә, берләшмәлә көслө һәм берҙәм коллектив тупланған.
Башҡортостан һәр ваҡыт полкка ярҙам итә. Республика етәкселегенең, Башҡортостан башлығы Радий Хәбировтың шәхси иғтибары беҙҙең өсөн үтә лә ҡәҙерле, ти командир. Восход уның менән даими тура элемтәлә.
““Башҡортостан” полкында хеҙмәт итеүемә сикһеҙ ғорурланам. Оборона министрылығы менән контракт төҙөргә теләүселәрҙе бында көтәбеҙ”, - тип белдерҙе Восход.
