Эксперт комиссияһы ҡала хакимиәте менән берлектә йөҙҙән ашыу исем буйынса ҡарар ҡабул иткән. Улар араһында Махсус хәрби операцияла һәләк булған Рәсәй геройы Илдар Суфияров һәм биш Советтар Союзы геройы исемдәре бар. Шулай уҡ дирижер Ғәйнетдин Муталов, композитор Сергей Миролюбов һәм яҙыусы Яныбай Хамматовтың исемдәре мәңгеләштерелә. Быйыл Өфөлә Өйгә ҡайтыу аллеяһы, Еңеүҙең 80 йыллығы урамы, Варвара Струговец скверы барлыҡҡа килде.
