Ул ике кешенең үлеменә килтергән юл хәрәкәте ҡағиҙәләрен боҙоуҙа ғәйепләнә. Октябрь районы судына ул 21-се ҡала клиник дауаханаһынан тура килтерелде. Тәфтиш комитеты мәғлүмәттәре буйынса, 27 йәшлек водитель Үзбәкстандан килгән булған. Ул рулгә рөхсәт документһыҙ ултырған, өҫтәүенә законһыҙ рәүештә эшләгән. Иҫегеҙгә төшөрәбеҙ, авария 15 октябрҙә Новоженов урамы менән Өфө шоссеһы киҫелешендә теркәлде. 12 автомобиль бәрелешеүе һөҙөмтәһендә ике кеше һәләк булды, тағы ла 6 кеше төрлө тән йәрәхәттәте менән дауаханаға һалынды. Фажиғәгә төп сәбәп булып, «Шакман» машинаһының тормоз системаһы сафтан сығыуы фаразлана.
