Уларҙы оҙатыу сараһы «Өфө-Арена» спорт комплексы алдындағы майҙанда үтте. Хәрбиҙәр тыуған яғында ике аҙна тирәһе ял иткән. Тантанала Башҡортостан Хөкүмәте Премьер-министры урынбаҫары Ирек Сәғитов Салауат Юлаев батальоны-республика ғорурлығы булыуын билдәләне, яугирҙарға иҫән-һау әйләнеп ҡайтыуҙарын теләне. Республика етәкселеге һеҙҙең һәм ғаиләләрегеҙ хаҡында хәстәрлек күрәсәк, төбәктә 50-нән ашыу ярҙам сараһы ҡаралған, тине Ирек Сәғитов. Егеттәр хеҙмәт урынына «Башавтотранс» автобустарында бара. Транспорт республика башлығы Радий Хәбиров ҡушыуы буйынса махсус бүленә.
