Осло сәхнәһендә башҡорт халыҡ йыры яңғыраны. Миәкә районында тыуған Айгөл Әхмәтшина Норвегия тамашасыһы күңелен «Һандуғас» йыры менән әсир итте. 6 йәшенән академик вокал менән шөғөлләнә башлаған башҡорт ҡыҙы бөгөн донъя операһы йондоҙо. Ул Лондондың «Ковент-Гарден» клубында стажировка үтә, Мадридтың «Король операһы»нда сығыш яһай һәм Нью-Йорктың «Метрополитен операһы»нда Карменды башҡара.
Иҫегеҙгә төшөрәбеҙ, 6 йыл элек Өфөлә яҡташыбыҙҙың тәүге концерты үтте. Ул Милли симфоник оркестр менән сығыш яһаны. 2021 йылда Айгөл Әхмәтшинаға Башҡортостандың атҡаҙанған артисы тигән маҡталыу исем бирелде.
