112-системаһына Ишембай районынан атай һәм улдың йылға буйына китеүе һәм ҡайтып етмәүе тураһында мәғлүмәт ҡабул ителә. “Улар табылды. Медицина ярҙамы талап ителмәй”, - тип белдерәләр Ғәҙәттән тыш хәлдәр буйынса дәүләт комитетынан. “Тәбиғәткә сығыр алдынан телефонығыҙҙы тикшерегеҙ. Заряды тулы булһын. Яҡындарығыҙға маршрутығыҙ тураһында хәбәр итегеҙ. Өйгә ҡайтыу ваҡытын әйтегеҙ. Компас, фонарик, һыҙғыртҡыс алығыҙ”, - тип кәңәш итә ҡотҡарыусылар.
