Бер йыл инде «Беренсе тирмә» проекты ирекмәндәре хәрбиҙәрҙе Луганск госпиталендә ҡарай. Унда барыр өсөн ҡатын-ҡыҙҙарыбыҙ отпуск юллай, эш биреүсе менән килешә һәм ғаиләләренең ризалығын ала. Сменалар 2 аҙна дауам итә, бер төркөм икенсеһен алмаштыра.
Башҡортостан башлығы Радий Хәбиров социаль селтәрҙәрҙә яҙыуыуынса, ирекмәндәребеҙ йәрәхәтләнгән яугирҙарҙы ашата, кейемдәрен алмаштыра, туғандары менән бәйләнеш булдыра. Шәмбе иртән сираттағы ирекмәндәр бригадаһы махсус хәрби операция биләмәһенә юлланды. Бер йылда унда республиканың 32 муниципалитетынан 186 ҡатын-ҡыҙ булып өлгөргән. Бөрө медицина колледжынан егеттәр ҙә бар. Һәм унда барырға теләүселәр даими арта. Бөтә ирекмәндәргә бик мөһим, кәрәкле, физик һәм эмоциональ яҡтан ҡатмарлы эше өсөн рәхмәт белдерәм. Был беҙҙең киләсәк дөйөм еңеүгә ҙур өлөш индерә, тип яҙған Башҡортостан етәксеһе.
