Бөгөн Башҡортостан башлығы Радий Хәбиров менән тура бәйләнеш ойошторола. Әле уның төп майҙансығы-республика менән идара итеү үҙәгендә әүҙем әҙерлек бара, ҡорамалдар тикшерелә, ҡала-райондар менән бәйләнеш урынлаштырыла. Тура эфирҙа журналистар эшләйәсәк, ә халыҡ төбәк етәксеһенә үҙ һорауҙарын бирәсәк. Белгестәрҙең төп бурысы-тотороҡло бәйләнеште тәьмин итеү, шуға ла һуңғы бер нисә көндә тракттар һәм сигналдарҙы тикшереү бара. Быйыл тәүге тапҡыр колл-үҙәктән тура эфирға сығыу ҙа ҡаралған.
Иҫегеҙгә төшөрәбеҙ, Башҡортостан башлығы менән «Тура бәйләнеш» бөгөн киске сәғәт 7-лә башлана. Ул барлыҡ республика каналдарында тура эфирҙа күрһәтеләсәк.
Һуңғы оператив кәңәшмәлә Радий Хәбиров хөкүмәт ағзаларын һәм муниципалитет башлыҡтарын бәйләнештә булырға саҡырҙы.
