Руденко уҡыуҙары Евразия фәнни-белем биреү үҙәгендә ойошторолдо. Унда Көнсығыш Европа, Себер һәм Төньяҡ-көнсығыш Азия археологияһы һәм этнотарихы проблемалары ҡаралды. Сара Сергей Руденконың тыуыуына 140 йыл тулыуға һәм “Башҡорттар. Этнологик монография тәжрибәһе” хеҙмәте баҫылыуына 100 йыл тулыуға арналды. Этнологик тикшеренеүҙәр институты ғилми хеҙмәткәре Альберт Мәхмүдов һөйләй.
“Сергей Руденконың ижади мираҫы башҡорт мәҙәниәте, тарихын өйрәнеү һәм һаҡлап ҡалыуға ҙур өлөш индерә”, - ти милли кейем белгесе Сәлимә Усманова.
Өфөләге халыҡ-ара конференция 15 ноябрҙә тамамлана.
