Өфөнөң 69-cы белем биреү үҙәгендә махсус хәрби операцияла ҡатнашҡан яугир Рөстәм Әхмәҙуллин иҫтәлегенә Герой партаһы асылды. Ҡаһарман яҡташыбыҙ мәктәпте тамамлағандан һуң, төҙөлөш өлкәһе буйынса урта һөнәри белем алған. Әрменән һуң Өфө предприятиеларында эшләгән. Мобилизацияның тәүге көндәренән үк Ватан һағына баҫҡан. Яҡындары һәм уҡытыусылары егеттең ярҙамсыл, һүҙендә тора белгән, ышаныслы кеше булараҡ хәтерҙә ҡалыуын билдәләне. Белем усағында яугирҙың исемен мәңгеләштереү саралары дауам итәсәк, яҡын арала мемориаль мөйөш асыу планлаштырылған.
