“Башинформ” агентлығында грипп һәм киҫкен респиратор ауырыуҙарҙы профилактикалау һәм дауалау мәсьәләләре ҡаралды. Миҙгел ауырыуына ҡаршы вакцинация –сирҙе иҫкәртеүҙең һөҙөмтәле алымы, ти эпидимиологтар. Һаулыҡ һаҡлау министры урынбаҫары Елена Ғәлимуллина һөйләй.
Конференцияла СПИД һәм инфекцион ауырыуҙар тураһында һөйләшеү булды. Республикала киләһе аҙнала ВИЧ-инфекцияһын иҫкәртеү буйынса “ҡыҙыу бәйләнеш” эшләй башлай. Ҡулланыусылар хоҡуҡтарын яҡлау идаралығы белгестәре вирусты йоҡтороу юлдары, хәүефе һәм эҙемтәләре хаҡында мәғлүмәт бирә. Мөрәжәғәттәр 5 декабргә тиклем ҡабул ителә.
