Әлегә уларҙың тәүге партияһы барып еткән. Башҡорт ит компанияһынан хәбәр итеүҙәренсә, төрлө министрлыҡ-ведомстволар менән берлектә экспорт йүнәлешен йәнләндереү буйынса эҙмә-эҙлекле эш алып барылған. Производствола ҡулланылған алдынғы технологиялар ҙа үҙ һөҙөмтәһен бирә. БЮТ хәбәрсеһе Гөлназ Хәйбуллина дауам итә.
Сусҡасылыҡ комплексына инмәйенсә лә, барлыҡ процесты ситтән тороп күҙәтергә мөмкин. Өфө белгестәре райондарҙа урынлашҡан ферма эшмәкәрлеген реаль ваҡытта ҡарап барып, операторҙың ярҙамсыһы ролендә сығыш яһай.
Аҡыллы системаны яһалма интеллект менән берләштереү ҡаралған, был, тәү сиратта, автоматик режимда малдарҙың иҫәбен һәм ауырлығын баһаларға, сәләмәтлек торошон күҙәтергә ярҙам итәсәк. Күҙлектәр ярҙамында комплекс эшмәкәрлеген яңы партнерҙарға күрһәтеү ҙә күпкә уңайлы.
Һуңғы ун йылда Ҡаҙағстанға Башҡортостандан ғына түгел, тотош илдән сусҡа малы тәүгә экпортҡа сығарыла. Быға тиклем сикләүҙәр булған. Дөйөм алғанда, Башҡорт ит компанияһының селекция-генетика үҙәгенән был республикаға 5 мең 800 баш сусҡа малы оҙатыу планлаштырылған. Ҡаҙағстан етештереүселәре уларҙы үрсетергә иҫәп тота.
Башҡортостан ғалимдары менән берлектә сусҡаларҙың селекция-генетика эше лә уңышлы алып барыла. Бынан тыш, предприятиелағы бөтә процестар автоматлаштырылған, контролдә тотола. Малдарҙы ашатыуҙан алып финанс аналитика һәм күҙаллауҙарға тиклем-барыһы ла һанлы платформала теркәлә
Гөлназ Хәйбуллина
