Баҡалы районы хакимиәте башлығы махсус хәрби операцияла ҡатнашҡан яҡташтарына гуманитар ылау алып барған. Олег Ефимов был турала социаль селтәрҙә хәбәр итә. "Егеттәргә гуманитар ярҙамды тапшырҙыҡ. Ике йүнәлештә эшләнек, бер төркөм - Запорожск өлкәһендә, үҙем Донецк, Луганск Халыҡ республикаларына, Херсон өлкәһе яғына барҙым. Гуманитар конвойҙа ике мотоцикл, дүрт генератор, прицептар, бензобысҡылар, төҙөлөш материалдары, һаҡселтәрҙәр, посылкалар бар ине", -тип яҙған Олег Ефимов.
