Осрашыу Мостай Кәрим исемендәге Өфө халыҡ-ара аэропорты ҡунаҡханаһында үтте. Һөйләшеүҙә төбәктә ҡунаҡналар эшен яҡшыртыу, туристар өсөн уңайлы шарттар тыуҙырыу, отелдәрҙә ҡул оҫталарының даими күргәҙмәләрен ойоштороу кеүек һорауҙар күтәрелде.
Башҡортостан туристарҙың иғтибарын йәлеп иткән иң матур республикаларҙың береһе. Быйыл төбәккә туристар ағымы 2 миллионға тиклем еткән. Күрһәткесте артабан да үҫтереү бурысы ҡуйылған. Әлегә туроператорҙар 800-ҙән ашыу туристик маршрут тәҡдим итә, яңыларын булдырыу буйынса эш алып барыла.
