Һәр тарих артында белгестәрҙең, ата-әсәләрҙең һәм кескәй пациенттарҙың тырышлығы ята. Бәләкәй генә аҙым да ҙур еңеүгә илтә. Полина Петровскаяға 17 йәш. Балалар церебраль фалижы һәм эпилепсиянан яфаланған ҡыҙ яңынан атларға өйрәнә. Экзоскелет-Полинаның ата-әсәһенә тағы бер таяныс өҫтәне. Был ҡоролма үҫмергә һәр аҙымды дөрөҫ баҫырға ярҙам итә. Йыл башында әгәр ул тулыһынса ата-әсәһенә таянып 10 метр ғына атлаһа, бөгөн хәрәкәттәрҙә үҙаллылыҡ күҙәтелә. Полинаның көн тәртибенең һәр сәғәте билдәләнгән. Экзоскелетта реабилитация төп шөғөлдәрҙең береһе генә.
