Өфөлә «Беренселәр хәрәкәте» Дөйөм Рәсәй балалар һәм йәштәр хәрәкәтенең төбәк бүлексәһе эшмәкәрлегенә йомғаҡ яһалды. Конференцияла 600-гә яҡын делегат ҡатнашты. Майҙансыҡта мәғариф программаһы эшләне, яңы проекттар тәҡдим ителде, илһөйәрлек темаларына лекциялар уҡылды. Сара сиктәрендә «Беренселәр премияһы» төбәк конкурсы еңеүселәре лә билдәләнде. Башҡортостандың 22 муниципалитетында хәрәкәт эшен йәнләндергән 64 кеше бүләкләнде.
