Был илдең яңы тарихында юғары белем һәм фән инфраструктураһын модернизациялауҙың иң күләмлеһе. Бөгөнгә 29 кампус объекты файҙаланыуға тапшырылған да инде.
Шуларҙың береһе Өфөләге Геном үҙәге. Был турала вице-премьер Дмитрий Чернышенко Рәсәй Хөкүмәтенең оператив кәңәшмәһендә белдерҙе. Уның билдәләүенсә, студенттар ҡаласыҡтары уңайлы йәшәү шарттарын тәьмин итеүҙән тыш, ҡеүәтле фәнни-белем биреү үҙәктәре булып тора. Әйтергә кәрәк, һыуыҡтар башланыуға ҡарамаҫтан, Өфөләге вуз-ара кампус тәүлек әйләнәһенә төҙөлә. Әле объектта 650-гә яҡын кеше эшләй.
