Көрәш һарайында уҙған турнир Бөйөк Еңеүҙең 80 йыллығына арналды. Унда 48 төбәктән 163 спортсы ҡатнашты. Башҡортостандан Азалия Әминева өс тапҡыр ил чемпионы тип танылды. Еңеүен ул Өфөгә бағышланы.
Республикабыҙҙың тағы бер вәкиле Юлия Чумгалакова алтынсы тапҡыр иң юғары наградаға лайыҡ булды.
Бронза миҙал яулаған Милена Борисова - шулай уҡ Башҡортостандан.
Премьер-министр Андрей Назаров билдәләүенсә, беҙҙең республика илдең спорт үҙәге исеменә дәғүә итә.
Чемпионат еңеүселәре һәм призерҙар Милли команда составында Халыҡ-ара турнирҙа ҡатнашыу хоҡуғы алды.
Ирек Әхмәтшин. Юлдаш радиоһы.
