Ошо уңайҙан бөгөн Өфөлә халыҡ-ара конференция үтә. “Башҡортостан халыҡтар дуҫлығы менән ҡеүәтле. Ҡоролтай республикала йәшәгән төрлө милләт кешеләрен берләштерә, татыулыҡты нығытыу өсөн ҙур көс һала”, - ти Башҡортостан төркмәндәре милли-мәҙәни ойошмаһы рәйесе Сапарморат Шанглиев.
Ростов өлкәһендә 1 меңдән ашыу башҡорт йәшәй. Улар махсус хәрби операцияла ҡатнашыусыларға ярҙам итә. Госпиталдә дауаланған хәрбиҙәрҙе хәстәрләй. “Алыҫта йәшәһәк тә Башҡортостандың беҙгә терәк-таяныс булыуын тоябыҙ”, - ти Ростов башҡорт йәмәғәт ойошмаһы етәксеһе, отставкалағы подполковник Мәхмүт Сәлимов:
