Республика парламенты рәйесе Константин Толкачев белдереүенсә, киләһе йылда 22 миллиард ярым һумлыҡ дефицит була. Бындай айырманы финанслау сығанаҡтары билдәләнгән. Бюджет тотороҡлоғо өсөн хәүеф янамай, тине ул. 2027 йылда дефицит 9 миллиард һум булыр тип фаразлана, 2028 йылды дефицитһыҙ тамамлау маҡсаты ҡуйылған. Документ ошо айҙа парламенттың пленар ултырышында ҡарала.
