Туриндустрия берлеге мәғлүмәттәре буйынса илдә, 22 төбәктә 70-тән ашыу фәнни-популяр маршрут бар. Уларҙы 2 миллиондан ашыу турист һайлаған. "Башҡортостан Республикаһы фәнни-мәғариф үҙәге идарасы компанияһы" етәксеһе Наталия Латыпова белдереүенсә, республикала 9 маршрут булдырылған. Уларға ярашлы, бер экскурсия барышында бер нисә ойошма һәм универститетҡа барыу ҡаралған. Маршуттар гуманитар, медицина, химия, физика фәне йүнәлештәре буйынса бүленгән, башҡа өлкәләр буйынса ла бар. Бындай турҙар фән һәм технологияларҙы киңерәк танытыу мөмкинлеге бирә.
