Башҡортостан халыҡтарының матди булмаған мәҙәни мираҫ объекттары исемлеге тағы 32 объект менән тулыланды. Өфөлә эксперт советының 21-се ултырышы уҙҙы. Комиссия алдында Башҡортостандың халыҡ артисы Ринат Рамаҙанов менән Башҡортостандың атҡаҙанған мәҙәниәт хеҙмәткәре Илһам Байбулдин сығыш яһаны. Башҡорт халҡындағы өзләү документ менән нығытыласаҡ. Ошо һәм башҡа матди булмаған мәҙәни мираҫты реестрға индереү буйынса фекер алышыу булды. Бөтәһе 32 проект яҡланды.
