Ил президенты менән тура эфир барышында Рәсәй-Тажикстан индустриаль паркы проекты тураһында һорау булды. Радий Хәбиров хәбәр итеүенсә, Башҡортостанда сит ил партнерҙары менән сәнәғәт кооперацияһын булдырыуға, берҙәм проекттарҙы ғәмәлгә ашырыуға ҙур иғтибар бүленә. Индустриаль парк проекты өҫтөндә Республика үҫеш корпорацияһы эшләй. Бында медицина ҡорамалдары етештереләсәк. Эште дауам итәбеҙ. Президентҡа иғтибары һәм ярҙамы өсөн рәхмәт, ти Радий Хәбиров.
