Бәләкәй бизнестың ҙур мөмкинлектәре. Өфөләге предприятиеларҙың береһе Төбәк компетенциялар үҙәгенең адреслы ярҙамын ҡулланып, һаҡсыл производство технологияһын индергән. Был хеҙмәткәрҙәргә эш процессын оптималләштерергә һәм компания ресурстарын һөҙөмтәлерәк файҙаланырға булышлыҡ иткән. БЮТ хәбәрсеһе Гөлназ Хәйбуллина дауам итә.
Стрейч пленка-күп тармаҡтарҙа теге йәки был тауарҙы төргәндә кәрәкле материал. Баш ҡалалағы предприятие өс йыл элек уны етештерә башлап, республикала ғына түгел, Рәсәй төбәктәрендә лә үҙ ҡулланыусыларын тапҡан.
Предприятие бәләкәй һәм урта бизнесҡа ярҙам программаһы буйынса льготалы кредит алып, үҫеш юлына баҫҡан. Йылына етештереү күләме ике мең ярымға еткән. Заманса автоматлаштырылған ҡорамалдар ярҙамында эш күпкә еңеләйгән.
Тап һаҡсыл производство технологиялары индерелеү менән күрһәткестәр ҙә яҡшыра. Компания ресурстарын һөҙөмтәлерәк ҡуллана башлай. Етештереү ҡеүәте лә артҡан.
Предприятие етәкселеге билдәләүенсә, һаҡсыл проивзодство технологиялары үҫеш мөмкинлектәрен киңәйткән. Киләһе йыл яҙ стрейч-пленка етештереү буйынса тағы ла бер линия сафҡа инәсәк. Шулай уҡ экспорт буйынса эште йәнләндереү, сит ил баҙарына сығыу маҡсаты ҡуйылған.
Гөлназ Хәйбуллина
