Махсус хәрби операция биләмәһенә 19 мең тонна йөк алып барылған. Ярҙам әҙерләүҙә предприятиелар, ойошмалар, эшҡыуарҙар, халыҡ әүҙем ҡатнаша. “Башҡортостан беҙгә даими ярҙам итә. Республика башлығы Радий Хәбировтың шәхси иғтибары Ватан һаҡсылары өсөн үтә лә ҡәҙерле”, - ти “Башҡортостан” мотоуҡсылар полкы командиры “Восход” ҡушаматлы яугир.
Башҡортостанда былтыр махсус хәрби операцияла ҡатнашыусыларға һәм уларҙың ғаиләләренә ярҙам итеүгә 30 миллиард һумдан ашыу аҡса бүленгән. Фронттан ҡайтҡандарҙың һаулығын нығытыуға, реабилитация үткәреүгә һәм эшкә урынлаштырыуға ҙур иғтибар бирелә.
