Башҡортостан дәүләт автоинспекцияһынан хәбәр итеүҙәренсә, Белорет- Учалы-Мейәс юлында «Киа Соренто» менән «Хово» йөк машинаһы бәрелешкән.. Ҡыҙғанысҡа ҡаршы, еңел автомобилдең 45 йәшлек водителе авария урынында һәләк булған. Осраҡ буйынса тикшереү башланған.
Юл-патруль хеҙмәте испекторҙары бәләгә тарыған водителгә ярҙамға килгән. Нефтекаманан «Ситроен» водителе идара итеүҙе юғалтып трассанан төшөп киткән. Телефоны һүнгәнлектән, үҙе ярҙам һорап мөрәжәғәт итә алмай. Яңауыл йүнәлешендә дежур иткән Рәмил Фәхретдинов менән Артур Хәйерланамов КамАЗды туҡтата. Йөк машинаһы ярҙамында транспорт сараһы ҡарҙан сығарыла.
