Быйыл Ишембай районынан «Урындағы башланғыстарҙы яҡлау» республика программаһында ҡатнашыуға 14 заявка бирелгән. Алаҡай ауылында йәшәүселәр ҙә йыйылыштар уҙғарып, балалар уйын майҙансығына хәүефһеҙ резина ҡатламы түшәтергә ҡарар иткән. Әлегә документтар әҙерләнә. Әйткәндәй, улар былтыр «Айыҡ ауыл» конкурсында ҡатнашып 200 мең һумлыҡ дәртләндереү сараһына ла лайыҡ булған. Аҡса балалар уйын майҙансығын ҡойма менән уратыуға йүнәлтелгән.
