Был турала ҡала хакимиәтенең транспорт һәм элемтә идаралығынан хәбәр итәләр. Яңы норма февралдән ғәмәлгә инә. Индексация ташламаға хоҡуғы булғандарға ҡағылмай. Берҙәм социаль юл йөрөү билеты хаҡы үҙгәрмәй, 600 һум була. Ҡиммәтләнеүҙе запас частар, яғыулыҡ, ремонт өсөн сығымдар артыуы менән аңлаталар. Күп маршруттарҙа 46 һум түләргә кәрәк була, ҡайһы бер автобустарҙа йөрөү хаҡы 50 һумға тиклем күтәрелә.
