Әлшәй районы Ҡыпсаҡ-Асҡар ауыл биләмәһе йыл һайын урындағы башланғыстарға ярҙам программаһында ҡатнаша. Уның ярҙамында байтаҡ эштәр башҡарыла, атап әйткәндә һыу башняһы һатып алынған, зыяраттар ҡоймаһы яңыртылған, мәҙәниәт йорто тәҙрәләре алмаштырылған. Ҡыпсаҡ-Асҡар ауылы халҡы быйыл да программала ҡатнашып МТЗ тракторы алырға ниәтләй. Йыйылышта ҡатнашыусылар был башланғысты бер тауыштан хупланы.
