Бөгөн Башҡортостан башлығы Дәүләт Йыйылышы- Ҡоролтайға йыллыҡ Мөрәжәғәтнамәһендә ошо турала белдерҙе. “Беҙ Рәсәйҙә беренселәрҙән булып ошо йүнәлештә эш алып барабыҙ. Артабан да хәрбиҙәрҙең яҡындарын шифаханаларҙа ташламалы хаҡҡа ял иттереүҙе яйға һалырға кәрәк”, - тине Радий Хәбиров.
“Талҡаҫ” шифаханаһы махсус хәрби операцияла ҡатнашыусылар өсөн дауалау һәм реабилитациялау үҙәге була.
Республикала яугирҙарҙың һаулығын нығытыуға 200 миллион һум самаһы аҡса бүленгән. Хәрбиҙәр һәм уларҙың ғаилә ағзалары 15 шифаханала ял итә ала.
