Уны ойоштороуҙа Дәүләт Йыйылышы-Ҡоролтай депутаттары, шулай уҡ Хөкүмәт ағзалары һәм республика халҡы ҡатнашты. Составында һәр ваҡыттағыса иң кәрәкле әйберҙәр. Тәү сиратта яугирҙар өсөн йылы кейемдәр, техника, дрондар, маскировка селтәрҙәре, аҙыҡ-түлек. Исемлек яугирҙарҙың теләктәрен иҫәпкә алып төҙөлгән. Бынан тыш, йөк машиналарына мебель, комьютерҙар, китаптар тейәлгән. Улар Луганск халыҡ республикаһының шефлыҡҡа алынған учреждениелары балаларына тәғәйенәләнгән.
