Милли телдәрҙе өйрәнеү, һаҡлау, үҫтереү эшендә яһалма интеллектты файҙаланыу. Өфөлә ошо мәсьәләгә арналған түңәрәк өҫтөл үтте. Унда ғалимдар, лингвистика өлкәһе белгестәре, тарихсылар, филологтар һәм педагогтар ҡатнашты. Белгестәр фекеренсә, һанлы үҫеш дәүерендә тел ғилемен, һүҙлектәр һәм китаптарҙы яһалма интеллект системаһына индереү көн талабы булып тора. Йәш быуын белем эстәүҙә яһалма ителлектты әүҙем ҡулланғанда, туған телдәр менән бәйле программалар ҙа заман технологияларына ярҙамында үҙләштерелергә тейеш, тип билдәләне фекер алышыуҙа ҡатнашыусылар.
