Рәсәй гидрометеоүҙәгенән хәбәр итеүҙәренсә, быйыл йылғаларҙың бик тиҙ күтәрелеүе фаразлана. Республика премьер-министры Андрей Назаров хакимиәттәргә шартлатыу эше алып барыуға килешеү төҙөргә, боҙҙо ҡаралатыуға тотонорға ҡушты. Ғәҙәттән тыш хәлдәр министрлығының Башҡортостан идаралығы һәм Ғәҙәттән тыш хәлдәр буйынса дәүләт комитетына был мәсьәләне ҡаты контролгә алыу бурысы йөкмәтелде. “Ташҡын осорона тулы әҙерлектә инеү мөһим. Ҙур һыу беҙҙең ҡала һәм ауыл урамдарына сығырға тейеш түгел”, - тине Андрей Назаров.
