Ул 19 февралдә эш башлай. Экспозиция 11 йыл буйы әҙерләнгән. Тарихсы Илдар Ғатауллин һәм Белореттан коллекционер Дмитрий Николаев уникаль экспонаттар тәҡдим итә. Экспозицияның ҙур өлөшө полктың 1915 йылғы ҡаһарманлығына бағышлана. Өфө һалдаттары дошман ҡамауында ҡала, ҡулсаны өҙөү өсөн штык һөжүменә күтәрелә. Был ҡаһарманлыҡты дошман да баһалай, берлин газеталарының береһендә Өфө һалдаттарын әкиәт батырҙарына тиңләп яҙалар.
