География уҡытыусылары менән Рус география йәмғиәтенең йәштәр клубтары етәкселәре Шишмә районына йыйылды. Рәсәй геройы Максим Серафимов исемендәге «Патриот» паркында Мәғариф форумы үтте.
Башҡортостандың идара итеү командаһы эшмәкәрлегенең стратегик йүнәлештәренең береһе булып төбәктең иҫтәлекле урындарын һәм уның үҙенсәлекле тәбиғәтен танытыу тора. Һәм күп осраҡта тап география уҡытыусылары балаларға тыуған яҡҡа ҡыҙыҡһыныу һәм һөйөү тәрбиәләй. Мәғариф министры Илдар Мәүлетбирҙин үҙенең сығышында уҡытыусылар ҡатнаша алған яңы проекттар һәм программалар менән таныштырҙы. Төбәктә география уҡытыусыларының белемен камиллаштырыу буйынса даими эш алып барыла. Мәғарифты үҫтереү институты базаһында улар квалификацияһын күтәрә, яңы технологияларҙы үҙләштерә һәм уларҙы үҙ программаларына индерә.
Һанлы технологиялар дәүерендә ысын донъя менән бәйләнеште юғалтмау мөһим. Гаджеттарҙағы ҡушымталар уҡыусыларға иҫтәлекле урындарҙы танырға, хайуандар һәм үҫемлектәр төрҙәрен билдәләргә ярҙам итә. Йәш быуын география буйынса Бөтә Рәсәй олимпиадаларында алдынғы урындар яулай. Ә предмет үҙе төп дәүләт имтиханын тапшырыу популярлығы буйынса икенсе урында тора
