Рәсәй халыҡтары берҙәмлеге йылында Өфөлә Башҡортостандың дәүләт милли сәйәсәтенең яңы концепцияһы тәҡдим ителде.
Түңәрәк өҫтәлдә ҡатнашыусылар «Берҙәм Рәсәй» партияһына йәмәғәт ярҙамы штабында Милләт-ара тыныслыҡты һаҡлауҙа һәм Рәсәй халыҡтарының берҙәмлеген нығытыуҙа Башҡортостан эксперт берләшмәһенең ролен тикшерҙе. Фекер алышыу Рәсәй халыҡтарының берҙәмлеге йылына, Рәсәйҙең террорға ҡаршы милли комитетының 20, Башҡортостандың мәҙәниәт министрлығының гуманитар тикшеренеүҙәр үҙәге дәүләт автономиялы учреждениеһының 10, шулай уҡ Рәсәй тарихи йәмғиәтенең Башҡортостан бүлексәһенең 5 йыллығына арналды.
