Акцияға тәүгеләрҙән булып Әлшәй районы Әбдрәшит ауылы халҡы ҡушылды. Улар алғы һыҙыҡҡа ярҙам туплауға үҙ өлөшөн индерҙе. “Махсус хәрби операцияла ауылдаштарыбыҙ ил именлеген һаҡлай. Тылдағылар фронтты хәстәрләй”, - ти ауылдың ветерандар советы рәйесе, ирекмәндәр төркөмө етәксеһе Асия Рамаҙанова.
Әлшәй районы Әбдрәшит ауылы “Айыҡ ауыл” республика конкурсында ҡатнаша. Улар Ҙур ауылдар номинацияһында еңеүгә дәғүә итә. Ауылда сәләмәт тормошто пропагандалау, ғаилә ҡиммәттәрен һаҡлау һәм нығытыу буйынса тематик саралар, яугирҙарға ярҙам итеү буйынса акциялар ойошторола.
