Торлаҡ-коммуналь хужалыҡ яңылыҡтарын, планлы эштәр йәки авария тураһында оператив белдереүҙәрҙе белер өсөн фатирҙан сығыу мотлаҡ түгел. Башҡортостанда МАХ мессенджерында рәсми йорт чаттары-һанлы проект үҫеш ала.
Республиканың торлаҡ һәм төҙөлөштө күҙәтеүе буйынса дәүләт комитеты чат администраторы итеп идара итеүсе компанияны йәки торлаҡ милекселәрен тәғәйенләй. Чаттарҙа шулай уҡ ресурстар менән тәьмин итеүсе ойошма вәкилдәре, төбәк операторҙары бар.
Республикала «МАХ» мессенджерында рәсми чаттарға 12 меңдән ашыу күп фатирлы йорт күскән.
