Мәҙәни сараны асыу тантанаһы 20 мартта була. Ул көндө Мәжит Ғафури исемендәге Башҡорт дәүләт драма театрында “Яратам, тип әйтеп өлгөрмәнем” спектакле күрһәтелә. Башҡорт дәүләт ҡурсаҡ театры “Руслан һәм Людмила” әҫәрен тәҡдим итә. Артабан, Cибай, Стәрлетамаҡ, Салауат, Туймазы һәм Өфө театрҙары сығыштары көтөлә. Эшлекле программа барышында сәхнә телмәре, маркетинг, заманса технологияларҙы ҡулланыу буйынса оҫталыҡ дәрестәре, түңәрәк өҫтәл ҡаралған. Республика режиссерҙар берлегенең тәүге ултырышы үтә.
