"Памир" ҡушаматлы яугир пилотһыҙ осоу аппараттары операторы булып хеҙмәт итеү үҙенсәлектәре тураһында һөйләне. Ул "Башҡортостан" мотоуҡсылар полкында хеҙмәт итә. "Памир" Әлшәй районы Дим ауылынан. 2023 йылда хәрби контракт төҙөгән. - Махсус операция биләмәһендә дрондар хәрби бурыстарҙа үтәргә ярҙам итә. Һәйбәт күргән, яҡшы хәтере булған ир-егеттәр кәрәк. Инглиз телен белеү, карталарҙы уҡыу, микросхемаларҙы йәбештерә алыу, компьютерҙы ышаныслы ҡулланыу хуплана. Ҡайһы бер йүнәлештәр буйынса етмәгән белемде тиҙ арала туплау мөмкинлеге бар. Махсус хәрби операция - ҙур тормош мәктәбе, - тине яугир.
