Рәсәй Хөкүмәте рәйесенең беренсе урынбаҫары Денис Мантуров Радий Хәбиров менән протокол кәңәшмәһендә Башҡортостан сәнәғәте үҫешенә бәйле мөһим проекттарға туҡталды. Электроника сәнәғәте һәм «Пилотһыҙ авиация системаһы» милли проекты сиктәрендә республикала ике яңы технопарк барлыҡҡа киләсәк. Уны тормошҡа ашырыу өсөн федераль ҡаҙнанан өҫтәмә ярҙам күрһәтеләсәк. Башҡортостан предприятиелары Рәсәйҙең технологик суверенитетын тәьмин итә. Радий Хәбировтың республика сәнәғәтен үҫтереүгә бәйле алып барған сәйәсәте урындағы халыҡ өсөн дә мөһим. Сөнки, ил кимәлендәге яңылыҡ өҫтәмә эш урындары булдырыуға ла көйләнгән.
