Социаль фондтың Башҡортостан буйынса бүлексәһе республикала йәшәгән 10 әсәгә ай һайын аҡсалата түләү тәғәйенләне. Ул «Герой-әсә» исеме бирелгәндән һуң, ғаризаһыҙ билдәләнә. Түләү күләме йыл һайын индексациялана. 1 февралдән айлыҡ аҡсалата түләү 5,6 процентҡа арттырылған һәм 76 мең һумдан ашыу тәшкил итә.
Герой- әсә исеме ун һәм унан күберәк бала тыуҙырып тәрбиәләгән әсәләргә бирелә. Шулай уҡ дәүләт тарафынан уларҙың пенсияһына 36 мең һум өҫтәмә түләү ҡаралған.
