Хәүефһеҙлек талаптарын көсәйтеү, тырнаҡтарҙы хеҙмәтләндереүҙең сифатын яҡшыртыу өсөн ҡабул ителгән закон проекты 30 апрелдән ғәмәлгә инә. Дәүләт стандартында маникюр һәм педикюрҙың техник этаптарына, ваҡытына, сифатына талаптар яҙылған.
Документта тырнаҡтарҙың матурлығы һәм таҙалығына бәйле 15 хеҙмәт сағылыш тапҡан. Ҡулланыусы маникюр креслоһына ултырғандан алып тырнаҡты буяуҙа һуңғы штрихҡа тиклем процесс ваҡыты билдәләнгән. Талаптарға ярашлы, классик маникюрға 45-60 минут, аппаратлы маникюрға 40-70, педикюрға 60-90 минут, гель-лак менән буяуға 15-25 минут ваҡыт ҡаралған. Дәүләт стандарттары мәжбүри түгел, кәңәш булараҡ тәҡдим ителә.
