Өфөнөң 115-се мәктәп базаһында волейбол спорты класы асылды. «Динамо-Урал» буласаҡ чемпиондарҙы тәрбиәләү өсөн клубтың әлеге быуын уйынсылары менән беренсе оҫталыҡ дәрестәрен үткәрҙе. Башлыса бишенсе класс уҡыусылары араһында ойошторолған саранан ата-әсәләр ҙә ситтә ҡалманы. Улар малай-ҡыҙҙарын төрлө яҡлап ҡеүәтләп, спортсыларҙан үҙҙәре үк тәжрибә алырға ашыҡты. «Йәш динамосы» проектының төп маҡсаты мәктәп уҡыусыларында волейбол уйынына һөйөү уятыу, сәләмәт быуын тәрбиәләү.
