Ҡаланың граждандарҙы һаҡлау идаралығынан хәбәр итеүҙәренсә, йыл һайын һыу баҫҡан урындарҙан ҡар сығарыла. Был яҙғы һыу кимәлен кәметергә ярҙам итә. Шулай уҡ был көндәрҙә боҙҙо бысратыу эштәре алып барыла. Бындай урындар тиҙерәк ирей, хәүеф кәмей. Өфө ҡалаһында ташҡынға ҡаршы 8 комиссия булдырылған. Һыу баҫҡан урындарҙа йәшәүселәрҙе ваҡытлыса урынлаштырыу өсөн 44 урын әҙерләнгән.
